இரவு வருகின்றது

இரவு வருகின்றதே - இளைய
இரவு வருகின்றதே
உருவி உயிர் பருகும்
அரவம் என நெடிய
இரவு வருகின்றதே!


இமைகள் செயலொழிய
இதய அலைகள் எழ
சுமைகள் சுடுதுளியாய்
சொரிய.. ஒரு.. கரிய
இரவு வருகின்றதே – கரிய
இரவு வருகின்றதே


முதலில் பலதடவை
முடுகி நுகர் சுவைகள்
எதனை நினைதல் - விடல்?
எதனை விலகுவது..?


பதுமை யெனவமரில்
படரும் கனவு – மனப்
புதரில்.. புதிய தளிர்
விரியும்!... சருகுகளாய்
உதிர – உடல் குளிர
உதிரம் உறை கொடிய

இரவு வருகின்றதே நெடிய கரிய கொடிய
இரவு வருகின்றதே