தயவு செய்து சிரியாதே
தளிருடலை நெளியாதே
தயவுசெய்து சிரியாதே
மேலாடை
கிழியுமெனின் எறிவாய், என்
ஹிருதயமும் அதுபோலா..?
நிமிராதே!
விழிகணையின் விசையினில் விண்
வெளியிலெனை எறியாதே!
மறுகாலும்..
தளிருடலை நெளியாதே
தயவு செய்து சிரியாதே!
உபகாரம்?
விரல் நுனிகள் சுவையாதே!
வெகுளி யெனக் குழையாதே!
புயலூடோர்
சிறுபடகை நுழையாதே!
சுழியில் விழ நகையாதே!
சுனையூறல்
பருகஎனை அழையாதே!
பகடிகளும் மொழியாதே!
விதியோடும்
பொருதஎனைப் பணியா தே!
பொறு... உயிரைத் திருகாதே!
உபகாரம்!
0 Comments:
Post a Comment
Subscribe to Post Comments [Atom]
<< Home